Monday, August 22, 2011

කලා වැවෙන් ගත් දිය දෝතක් සේ...




කලා වැවෙන් ගත් දිය දෝතක් සේ

වටී වටී ඔබ මටමැ වටී

බෝධියකින් වට බෝ කොළයක් සේ

අගී අගී ඔබ මටමැ අගී


කැටපත් පවුරින් ගිලිහුණු කවියක්

සොරකම් කරගත් සෙරක ලෙසින්

සඟවාගෙන ඔබ සුරකිමි හද ගැබ

තනිවම කියවමි

පදරුත් පසිඳමි


සමනළ සිරසින් විහිදුණු බුදු රැස්

සියැසින් දැකගත් මෙහෙණක මෙන්

පරමානන්දය ලබමින් ඔබ ළග

සගමොක් සැපතෙහි

අම රස වළඳමි


හඩ - විශාරද නන්දා මාලනී

ගේය පද - මහාචාර්ය සුනිල් ආරියරත්න

සංගීතය - රෝහණ වීරසිංහ



පේ‍්‍රමය වෙනුවෙන් මෙතෙක් බිහිව ඇති ගීත අතුරින් මගේ සිත බෙහෙවින්ම ඇළුම් කළ ගීතයක් තමයි මේ.


උත්තරීතර පේ‍්‍රමය හේතුවෙන් සිතක හට ගන්නා වූ ආනන්දනීය වූත් පරම රමණීය වූත් වඩාත් ප‍්‍රහර්ෂාත්මක හැගීම් සමුදායක් මෙම ගීතය තුළින් වඩාත් සොඳුරු ලෙස ගී සිත්තමකට මුසු කොට ඇති අයුරු මට මෙන්ම ඔබටත් දැනෙනු නොඅනුමානයි.



















2 comments:

  1. මගේ මතකයේ හැටියට මේක ස්ටැන්ලි පීරිස්ගෙ සංගීත නිර්මාණයක්.. ටිකක් හොයල බලන්න..

    ReplyDelete
  2. This comment has been removed by the author.

    ReplyDelete